சோனி சைபர் ஷாட் (Sony Cyber-shot RX100 III)

என்னதான் ஸ்மார்ட் போன்களில் விதவிதமான கேமராக்கள் அதிக மெகா பிக்ஸலோடும், மிகையான தொழில்நுட்பத்தோடும் வந்தாலும், மொபைல் போன் என்பது கால், மெசேஜிங் போன்ற சேவைகளுக்கே பிரத்யேகமாக பயன்படுத்தப்பட்டு வருகிறது. அதிக தொழில்நுட்ப கேமராக்கள் கொண்டுள்ள ஸ்மார்ட் போன்களை மிகுதியாக பயன்படுத் தினால் பேட்டரி பெரும் அளவில் குறையும். இதனாலே இன்றும் டிஜிட்டல் கேமரா, SLR, DSLR போன்ற பிரத்யேக கேமராக்களின் மவுசு அதிகரித்த வண்ணம் உள்ளது.

அந்த வகையில் சமீபத்தில் சோனி நிறுவனம் தனது புதிய கேமராவான ‘சோனி சைபர் ஷாட் RX100 III’-வை அறிமுகம் செய்துள்ளது. பார்ப்பதற்கு சிம்பிளாகவும் ஸ்டைலாகவும் தோற்றமளிக்கும் இந்த சைபர் ஷாட் RX100 III, 1.0 type CMOS sensor (13.2 x 8.8mm) தொழில்நுட்பத்தைக் கொண்ட உலகத்தின் முதல் கேமரா என்ற பெருமையைப் பெற்றுள்ளது.

20.2 மெகா பிக்ஸல்ஸ் கொண்ட இந்த கேமரா, 1.0 type CMOS sensor தொழில்நுட்பத்தைக் கொண்டு படங்களை மிகத் துல்லியமாகவும் அதிக தரத்தோடும் எடுக்கிறது. அதிக விட்டம் கொண்ட F1.8 ‘Carl Zeiss Vario-Sonnar T lens’ கேமராவின் ‘Defocus’ தன்மையை மெருகூட்டும் என்று சொல்லப்படுகிறது. ‘BIONZ’ இமேஜ் பிராசஸர் எந்தவொரு பொருளையும் 0.13 விநாடிகளில் ஃபோகஸ் செய்து படம் எடுத்துவிடுமாம். மேலும், இந்த பிராசஸர் குறைந்த வெளிச்சத்திலும் சீரான படங்களை எடுக்க வல்லது.

மேலும், கைகளாலே லென்ஸைச் சுற்றி இருக்கும் வளையத்தைக் கொண்டு zoom, aperture, magnification, படத்தின் தன்மைகளை எளிமையாகவும் விரைவாகவும் மாற்றிக் கொள்ளலாம். சோனி சைபர் ஷாட் RX100 III-ன் 7.62cm LCD டிஸ்ப்ளே 1229k ரெஸல்யூசனை கொண்டுள்ளது. இந்த அதிக ரெஸல்யூஷன் டிஸ்ப்ளே மூலம் எடுத்த படங்களின் தரத்தைத் தெளிவாகவும் நேரடியாகவும் பார்த்துவிடலாம்.

இத்தனை சிறப்பம்சங்களை கொண்டுள்ள ‘சோனி சைபர் ஷாட் RX100 III-ன் இந்திய விலை ரூ.54,990.